حوار بين شباب البلد المغتربين

فيما يلي حوار افتراضي دار - ولا زال يدور - بين شابين افتراضيين داخل البلد وخارجها ..




ما رأيك الشخصي بموقف كلٍ منهما ... و أين تجد نفسك ... ولماذا !؟






شبين من سوريا بالغربة :


قلو, يازلمة يالله شو مشتاق لسوريا وللشام ..لك يلعن أبو الغربة شو صعبة .. لك مو مصدق ايمت انزل اجازة عالشام..
رد التاني: لك اااااااااخ والله معك حق .. لك تضرب الساعة لي تركت فيها البلد واجيت .. قال شو بدي أمن مستقبلي وأخلص من العسكرية...

قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل.. بتتذكر شو كنا مبسوطين .. كيف كنا كل يوم باليل نروح و نأركل بعد الشغل بباب توما .. ونعمرها بعدين بسلطة فواكه عند رامز..
رد قلو: ولا الشاورما عند الأغر والبرج .. ولا البروستد عند القصور... لك مشتهي فيق الصبح وحدا يقلي صباح الخير واشرب القهوة معو..
لك مافي ناس ما في بشر تحكي معها وتحس فيون ويحسو فيك..

الأول: قهوة شو وصباح شو.. لك اذا كان حظي حلو ممكن الهندي لي قاعد جنبي بالشغل يعبرني ويقلي كياليه (كيفك بالهندي)... طبعا مع شوية هز بالراس ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...


التاني: المصيبة انو 90 بالمية من العالم بالبلد حاسدين الشباب هون .. ولما بتشكي لحدا بتاكول بهدلة على كيفك وبيقولولك انو انت نقاق ومو خرج بسط..

قلو الأول: لك تركها لـ الله .. مفكرين انو المغترب ..معمر بيت فوق بير بترول.. وعم يكش دبان ... لك يارجل..لما بنزل على سوريا بتنزل العالم فيني أسئلة : كيف الأمارات ..أكيد مبسوط .. اوعى ترجع ها.. بشرفك دبرلي شغل..
ولما بقلون الشغل مو سهل والحياة صعبة كتير.. ماحد بيصدق وبيفكرو انو مابدي ساعدهون..
التاني: سيدي .. انت نزيل وانبسط والله يمرق هالخمس سنين على خير..

الأول : قولتك رح ينزلو مدة الأغتراب؟
التاني : والله في هيك إشاعة ..
الأول: والله اذا بتتطلع صح.. الك احلى عزيمة بالهافانا..
التاني:يااااااااااااااااارب.....









شبين من سوريا جوا سوري


الأول: لك الله يلعن أبو هالعيشة ..ماعاد فيني اتحمل.. زحمة وقرف وشغل بيهوي.. ومافي مصاري.. بدي سافر بأي طريقة ..بدي روح وشوف الدنيا وانبسط..
التاني: يا أخي نحنا بعمرنا مارح نتطور.. شوف وين صارت البشر .. ونحن وين.. لك شي بيطقق .. ولا شي ممكن يخليك مبسوط .. ماني مرتاح بالشغل أبدا .. مديري يقطع عمرو شو غليظ .. أغلظ من هيك مستحيل تلاقي .. مو شاطر الا بالنق...ومابعرف على شو حاطينو مدير .. ياسيدي حمار معبا ببنطلون..





الأول: ولا عنا نحنا.. الشغل بآخر الدنيا .. بدي شي ساعة لأوصل بالسرفيس.. هاد اذا لاقيت سرفيس.. وياريت راتب متل العالم والناس .. انا خلص استويت ولازم لاقي شغل بالخليج .. يا أخي الحياة هنيك غير ..بسط ومصاري وسيارات وبنات ... يعني بتعيش حياتك..

التاني: معك حق .. بتقضيلك 5 سنين وبترجع مليونير.. وياسيدي بلا ماترجع بيكون أحسن .
انا رفيقي واعدني انو يدبرلي شغل .. ويارب تظبط معي..
الأول : انا مقدم السي في تبعي عل الأنترنت ومو مخلي موقع يعتب عليي... ومبارح عملت انترفيو مع شركة بدبي.. وقال بيردولي خبر بهاليومين.. وشو ماعطوني رح اقبل.. لأنو اكيد بيكفي وزيادة..
التاني : الله يوفقك .. وتخلص من هالعيشة.....

الأول :آآآآآآآآآآآمين

ههههههههههههه ماحدى رضيان بعيشتو

قصة حلوة يسلموووووووووووووو

مشكور ابن مجوال كثر الله خيرك تقبل تحياتي

اقتباس :

مشكور ابو ايهم على هاالموضوع الجميل الذي يتواصل بين اهلي قرية السيال ولك من كثير الشكر اخوكم بدر الحتروش

هلا حياك بموضوعي الخاص عمي بدر بارك الله بيك وبالحتروش كلهم
تقبل تحياتي

مشكوووووووووووووووووووووور قلبو

هلا جارووووووووووو
بارك الله بيك
دمت بود

طيب أنا فتت بالحيط
مين الصحححححححححححححححح ومين الخطأ
بدي أفهم
أرجووووووووووووووووووووكم وشكرا

ياابو اديب المكتوب باين من عنوانه

يعني ماحدى راضي بعيشتو بني ادم كل ما تعطي بيقلك زيد زيد

اللي هون مش عاجبو والمتغرب مش عاجبو
مشكور ع الرد اخوي ابو اديب نيابة عن ابو ايهم